تہران: (رائیٹ ناؤ نیوز) اردن میں دو امریکی فوجیوں کی ہلاکت کے بعد امریکا نے ایران پر تازہ حملے شروع کیے ہیں۔ صوبہ ہرمزگان کے مختلف علاقوں میں دھماکوں کی اطلاعات ہیں، جن میں حاجی آباد، بندرعباس اور قشم شامل ہیں۔

امریکی حملوں کے نتیجے میں ان علاقوں میں زور دار دھماکوں کی آوازیں سنی گئیں۔ جنگی طیارے بھی جزیرہ کیش کی فضائی حدود میں اڑتے ہوئے دیکھے گئے ہیں۔ سیریک شہر میں میزائل گرنے کی بھی تصدیق کی گئی ہے، جس سے علاقے میں کشیدگی بڑھ گئی ہے۔

امریکی سینٹ کام کے مطابق یہ حملے اردن میں امریکی فوجیوں پر ہونے والے حملے کے ردعمل میں کیے جا رہے ہیں۔ صدر ڈونلڈ ٹرمپ نے ایران کے خلاف سخت کارروائی کا حکم دیا ہے اور کہا ہے کہ ایران کو جوہری ہتھیار حاصل نہیں کرنے دیے جائیں گے۔

امریکی میڈیا کے مطابق ان حملوں میں 29 امریکی فوجی زخمی ہوئے ہیں۔ متعدد ہیلی کاپٹرز کو نقصان پہنچا ہے اور فوجی تنصیبات پر بھی بھاری نقصان ہوا ہے، جس سے امریکی فوجی طاقت کو چوٹ پہنچی ہے۔

واضح رہے کہ ایران نے عراق کے اربیل میں امریکی قونصل خانے کے قریب دھماکہ خیز ڈرون کو تباہ کیا ہے اور کویت میں امریکی لاجسٹک مرکز پر حملے کیے ہیں۔ بحرین کے شیخ عیسیٰ ایئربیس پر بھی ایک طیارے کو نقصان پہنچنے کی اطلاعات ہیں۔