اسلام آباد: (رائیٹ ناؤ نیوز) پیٹرول اور ہائی اسپیڈ ڈیزل کی قیمتوں میں لیوی اور ٹیکسز کی تفصیلات سامنے آگئیں۔ حکومت نے پیٹرول پر 125 روپے 73 پیسے اور ڈیزل پر 112 روپے 65 پیسے وصولی کی ہے۔

دستاویزات کے مطابق 18 جولائی 2026 سے پیٹرول کی بنیادی قیمت 191 روپے 42 پیسے ہے جبکہ حکومت نے فی لیٹر قیمت 315 روپے 15 پیسے مقرر کی ہے۔ پیٹرول پر 80 روپے پٹرولیم لیوی اور دیگر ٹیکسز شامل ہیں۔

اسی طرح ہائی اسپیڈ ڈیزل کی بنیادی قیمت 241 روپے 70 پیسے ہے جبکہ حکومت نے اس کی قیمت 354 روپے 35 پیسے مقرر کی ہے۔ ہائی اسپیڈ ڈیزل پر بھی 112 روپے 65 پیسے کی لیوی اور ٹیکسز لاگو ہیں۔

پیٹرولیم ڈویژن نے پیٹرول، ڈیزل اور مٹی کے تیل پر لیوی برقرار رکھنے کا نوٹیفکیشن جاری کیا ہے۔ عوام پر مالی بوجھ بڑھنے کا خدشہ ہے۔

یاد رہے کہ حکومت نے حالیہ بجٹ میں پیٹرولیم مصنوعات پر لیوی میں اضافے کا اعلان کیا تھا، جس سے عوامی مشکلات میں اضافہ ہوا ہے۔