اسلام آباد: (رائیٹ ناؤ نیوز) پاکستان سمیت دنیا بھر میں فیس بک اور انسٹاگرام کی سروسز متاثر ہوچکی ہیں۔ ان سروسز کے متاثر ہونے کی وجہ سے صارفین کو مشکلات کا سامنا کرنا پڑرہا ہے۔

دنیا بھر میں صارفین کو فیس بک اور انسٹاگرام پر سائن ان کرنے میں دشواری کا سامنا ہے۔ صارفین کو عارضی عدم دستیابی کا پیغام موصول ہو رہا ہے جب وہ ایپ یا ویب سائٹ پر لاگ ان کرنے کی کوشش کرتے ہیں۔

ڈاؤن ڈیٹیکٹر ویب سائٹ کے مطابق پاکستانی وقت کے مطابق دوپہر ایک بجے فیس بک ڈاؤن کی سرچز میں اضافہ ہوا۔ میٹا کی جانب سے تاحال کوئی بیان سامنے نہیں آیا ہے۔

یہ مسئلہ دنیا بھر میں سوشل میڈیا کے استعمال پر اثر ڈال رہا ہے۔ صارفین کی بڑی تعداد نے سوشل میڈیا پر اپنی شکایات کا اظہار کیا ہے۔

یاد رہے کہ اس سے قبل بھی فیس بک اور انسٹاگرام کی سروسز متاثر ہوچکی ہیں، جس سے صارفین کو مشکلات کا سامنا کرنا پڑا تھا۔