تہران: (رائیٹ ناؤ نیوز) ایرانی وزیر خارجہ عباس عراقچی نے کہا ہے کہ امریکا نے جنگ شروع کرکے ایرانی طاقت کو غلط سمجھا۔ انہوں نے مزید کہا کہ ایران امریکی دھمکیوں سے کبھی نہیں ڈرا۔

ترک میڈیا کو دیے گئے انٹرویو میں عباس عراقچی نے کہا کہ اسرائیل نے مختصر حملوں سے سب تباہ کرنے کا سوچا لیکن ناکام رہا۔ ان کا کہنا تھا کہ حملے ایران کے اندر سے معلومات لیک ہونے کے باعث ممکن ہوئے ہیں۔

عباس عراقچی نے بتایا کہ اسرائیلی حملے ایک سیکیورٹی خلا کا نتیجہ تھے جو اب بھی موجود ہوسکتا ہے۔ ان کا کہنا تھا کہ صیہونی ایجنٹ آیت اللہ خامنہ ای کی موجودگی کے بارے میں جانتے تھے۔

انہوں نے کہا کہ رہبرِ اعلیٰ پر حملے کی صورت میں آبنائے ہرمز بند کرنے کا منصوبہ پہلے ہی تیار تھا۔ عباس عراقچی نے مزید کہا کہ سپریم نیشنل سکیورٹی کونسل نے ابتدائی جنگ بندی کی منظوری دی۔

واضح رہے کہ امریکا اور ایران کے درمیان سفارتکاری کے حوالے سے طویل مشاورت جاری ہے۔ مذاکرات کی دوبارہ شروعات کے بارے میں سوچا جارہا ہے۔