اسلام آباد: (رائیٹ ناوٴ نیوز) پاکستان سپر لیگ کے گیارہویں ایڈیشن میں اسلام آباد یونائیٹڈ کے آل راؤنڈر فہیم اشرف نے کہا ہے کہ وہ ذاتی ریکارڈز کے بجائے ٹیم کی جیت کو ترجیح دیتے ہیں۔

فہیم اشرف نے جیو نیوز سے گفتگو میں اسلام آباد یونائیٹڈ کی موجودہ کارکردگی پر روشنی ڈالی۔ انہوں نے کہا کہ ٹیم نے کئی مواقع ضائع کیے جس کا اثر پوائنٹس ٹیبل پر ہوا۔

فہیم اشرف نے مزید کہا کہ ٹیم کا بنیادی ہدف ٹاپ فور میں جگہ بنانا ہے اور اگر موقع ملا تو ٹاپ ٹو کے لیے بھی کوشش کی جائے گی۔ ٹیم کا مثبت کلچر ان کی بڑی طاقت ہے۔

انہوں نے کہا کہ پی ایس ایل ان کے کیرئیر کا اہم موڑ ہے اور یہ لیگ کھلاڑیوں کو عالمی شناخت فراہم کرتی ہے۔

واضح رہے کہ پشاور زلمی اس وقت 7 میں سے 6 میچز جیت کر اولین پوزیشن پر ہے اور پی ایس ایل میں مقامی و بین الاقوامی کھلاڑیوں کی کارکردگی شاندار ہے۔