زیادہ لہسن کا استعمال صحت پر منفی اثرات ڈال سکتا ہے، خصوصاً خون بہنا اور معدے کے مسائل پیدا ہو سکتے ہیں۔
اسلام آباد: (رائیٹ ناوٴ نیوز)۔ لہسن اپنی صحت بخش خصوصیات کے لیے معروف ہے اور یہ بلڈ پریشر، کولیسٹرول کی بہتری اور قوتِ مدافعت بڑھانے کے لیے استعمال ہوتا ہے۔
تاہم، حالیہ طبی رپورٹس کے مطابق، ماہرین نے خبردار کیا ہے کہ طبی مشورے کے بغیر لہسن کے سپلیمنٹس یا اس کا زیادہ استعمال خطرناک سائیڈ افیکٹس پیدا کر سکتا ہے، خاص طور پر کچھ مخصوص افراد کے لیے۔
لہسن کی قدرتی خون پتلا کرنے کی صلاحیت کے باعث خون بہنے، زخم دیر سے بھرنے اور شدید صورتوں میں دماغی ہیمرج کا خطرہ ہو سکتا ہے۔
یہ معدے میں جلن، تیزابیت اور پیٹ میں درد جیسی علامات پیدا کر سکتا ہے، خاص طور پر آئیریٹیبل باؤل سنڈروم والے افراد میں۔
واضح رہے کہ لہسن کے فوائد کے لیے مناسب مقدار میں استعمال ضروری ہے اور کسی بھی سپلیمنٹ کے لیے ڈاکٹر کی رائے لینی چاہیے۔
