کراچی: (رائیٹ ناوٴ نیوز)۔ روزانہ مناسب مقدار میں پانی پینا صحت کے لیے بے حد ضروری ہے۔ تحقیقی رپورٹس کے مطابق ہر فرد کی ضرورت مختلف ہو سکتی ہے، مگر عمومی طور پر ڈیڑھ سے 1.8 لیٹر پانی کافی ہوتا ہے۔

ہمارے جسم کا 60 فیصد حصہ پانی پر مشتمل ہوتا ہے جو جسمانی افعال کے لیے ضروری ہے۔ پانی کی کمی سے ذہنی الجھن، سانس میں بو اور دیگر مسائل ہوسکتے ہیں۔

حکام کے مطابق، پیشاب کی رنگت سے جسم میں پانی کی کمی کا اندازہ لگایا جاسکتا ہے۔ شفاف یا ہلکی زرد رنگت مناسب پانی کی نشانی ہے، جبکہ گہری رنگت پر پانی پینا بہتر ہوتا ہے۔

پانی کی کمی دماغی افعال پر منفی اثر ڈال سکتی ہے۔ مناسب مقدار میں پانی پینے سے جسمانی مشقت میں مدد ملتی ہے اور مسلز افعال بہتر ہوتے ہیں۔

واضح رہے کہ گردوں کے امراض سے بچاؤ، جسمانی توانائی میں اضافہ، اور موسمی بیماریوں سے نجات کے لیے پانی کی مناسب مقدار پینا مفید ثابت ہوتا ہے۔