کراچی: (رائیٹ ناوٴ نیوز) چہرے کی خوبصورتی کے لیے مہنگی مصنوعات کا استعمال عام ہے، لیکن ماہرین کا کہنا ہے کہ یہ اکثر نقصان دہ ثابت ہوسکتی ہیں۔

ماہرین نے بتایا ہے کہ جلد کی صحت کا دارومدار بڑی حد تک روزمرہ عادات پر ہوتا ہے، جنہیں نظر انداز کرنا مسائل کا سبب بن سکتا ہے۔ رات کا وقت جلد کی مرمت کے لیے خاص اہمیت رکھتا ہے، لیکن عام غلطیاں جلد کو نقصان پہنچا سکتی ہیں۔

ماہرین کے مطابق سونے کے دوران گندے تکیے کا استعمال، میک اپ کو صاف نہ کرنا اور بالوں میں تیل چھوڑ دینا جلد کی خرابی کا باعث بن سکتے ہیں۔

یہ عادات جلد کے مسام بند کر کے کیل مہاسوں کو بڑھا سکتی ہیں، پیٹ کے بل سونا اور بغیر چہرہ دھوئے سونا بھی نقصان دہ ثابت ہوسکتا ہے۔

واضح رہے کہ چھوٹی عادات کی درستگی سے نہ صرف مہاسوں سے بچا جا سکتا ہے بلکہ جلد قدرتی طور پر صاف رہ سکتی ہے۔