کراچی: (رائیٹ ناؤ نیوز) سینئر اداکارہ صباحت بخاری نے ڈرامہ سیٹس پر ہیلتھی فلرٹنگ کی حمایت کی ہے۔ وہ حال ہی میں احمد علی بٹ کے پوڈکاسٹ ‘ایکسکیوز می’ میں شریک ہوئیں۔

پوڈکاسٹ میں انہوں نے بتایا کہ کئی ساتھی فنکاروں نے ان کی تعریف کی ہے، جسے وہ مثبت انداز میں لیتی ہیں۔ انہوں نے کہا کہ ہیلتھی فلرٹنگ توانائی بڑھاتی ہے اور تعلقات میں بہتری لاتی ہے۔

صباحت بخاری نے مزید کہا کہ ہیلتھی فلرٹنگ سے اسکرین پر کیمسٹری بہتر نظر آتی ہے اور کام کی جگہ پر دوستی پیدا ہوتی ہے۔ اس سے کام کرنے کا ماحول بہتر بنتا ہے۔

انہوں نے واضح کیا کہ وہ خود فلرٹی طبیعت کی نہیں ہیں، لیکن اچھے لوگوں کی تعریف ضرور کرتی ہیں۔ ان کی مثبت اینرجی دوسروں کو متاثر کرتی ہے۔

یاد رہے کہ صباحت بخاری نے کئی مشہور ڈراموں میں اپنی اداکاری کا لوہا منوایا ہے۔ ان کی شخصیت اور کام کو انڈسٹری میں سراہا جاتا ہے۔