تہران: (رائیٹ ناؤ نیوز) پاسدارانِ انقلاب نے اعلان کیا ہے کہ غیرملکی میڈیا نے بھی ایران کے خلاف امریکی صدر ڈونلڈ ٹرمپ کی شکست تسلیم کرنا شروع کر دی ہے۔ یہ دعویٰ ایران کے قومی یومِ صحافت کے موقع پر پاسداران انقلاب کے بیان میں سامنے آیا ہے۔

ایرانی سرکاری میڈیا کے مطابق، مغربی تجزیوں میں امریکا کی اسٹریٹیجک ہار اور مشکل صورتِ حال کی نشاندہی کی گئی ہے۔ ایران نے آبنائے ہرمز اور علاقائی دباؤ جیسے اقدامات کے ذریعے امریکا کی اقتصادی و سیاسی مشکلات میں اضافہ کیا ہے۔

ایران نے اپنے علاقے میں امریکا اور اس کے اتحادیوں کے خلاف دباؤ بڑھانے میں کامیابی حاصل کی ہے۔ ایرانی حکام نے اس کو اپنی کامیابی قرار دیا ہے۔

واضح رہے کہ حالیہ دنوں میں ٹرمپ نے بڑی فوجی کارروائی روک کر مذاکرات کی جانب جانے کا اعلان کیا ہے۔ اس اعلان کو ایران اپنی کامیابی کے طور پر دیکھ رہا ہے۔