اسلام آباد: (رائیٹ ناؤ نیوز) پاکستان نے بھارتی طیاروں پر فضائی حدود کی پابندی میں مزید توسیع کر دی ہے۔ پاکستان ایئرپورٹس اتھارٹی نے نیا نوٹم (NOTAM) جاری کیا ہے، جس میں بھارتی طیاروں کے لیے فضائی حدود کی بندش 24 اگست 2026 تک برقرار رہے گی۔

پاکستان ایئرپورٹس اتھارٹی کے مطابق یہ پابندی بھارتی رجسٹریشن والے طیاروں، ایئرلائنز اور بھارتی فوجی پروازوں پر لاگو ہوگی۔ بھارتی آپریٹرز اور لیز پر حاصل کیے گئے طیارے بھی متاثر ہوں گے۔

پاکستانی حکام نے بتایا کہ یہ اقدام قومی سلامتی کے تحت اٹھایا گیا ہے۔ بھارتی فضائی کمپنیوں کو متبادل راستے اختیار کرنا ہوں گے۔

ماہرین کے مطابق اس پابندی کی وجہ سے بھارتی ایوی ایشن سیکٹر کو مالی نقصان کا سامنا کرنا پڑ سکتا ہے۔ بھارتی ایئرلائنز کو اضافی ایندھن خرچ کرنا پڑے گا۔

یاد رہے کہ پاکستان نے 23 اپریل 2025 سے بھارتی طیاروں کے لیے فضائی حدود بند کر رکھی ہے۔ اس سے متعدد بھارتی پروازوں کو متبادل فضائی راستے اختیار کرنا پڑے ہیں۔