کوئٹہ: (رائیٹ ناؤ نیوز) زیارت واقعہ میں شہید ہونے والے 7 پولیس اہلکاروں کی نماز جنازہ ایوب سٹیڈیم کوئٹہ میں ادا کی گئی۔ اس میں سیاسی و قبائلی عمائدین اور شہدا کے لواحقین نے بڑی تعداد میں شرکت کی۔

نماز جنازہ میں صوبائی وزیر داخلہ میر ضیاء اللہ لانگو، صوبائی وزیر بخت کاکڑ، صوبائی وزیر میر عاصم کرد گیلو، سینیٹر منظور کاکڑ اور دیگر اہم شخصیات نے شرکت کی۔

نیشنل پارٹی کے میر کبیر محمد شہی، عوامی نیشنل پارٹی کے اصغر خان اچکزئی، پی ٹی آئی کے داود شاہ کاکڑ، بی این پی کے ساجد ترین ایڈووکیٹ اور دیگر سیاسی رہنما بھی موجود تھے۔

ڈی آئی جی پولیس کوئٹہ عمران سمیت دیگر اعلیٰ پولیس افسران نے بھی جنازے میں شرکت کی۔ اس موقع پر شہدا کے خاندانوں کو خراج عقیدت پیش کیا گیا۔

یاد رہے کہ زیارت واقعے میں 7 پولیس اہلکار شہید ہوئے تھے، جس کے بعد شہر میں سوگ کی فضا ہے۔