ویتنام: (رائیٹ ناؤنیوز) پاکستان پہلی بار مس ورلڈ مقابلے میں شرکت کرے گا۔ مس ورلڈ پاکستان 2026 کا تاج سجانے والی انیقہ معراج ویتنام میں ہونے والے مس ورلڈ کے 75ویں سالگرہ ایڈیشن میں پاکستان کی نمائندگی کریں گی۔

مس ورلڈ کی جانب سے جاری بیان کے مطابق یہ مقابلہ 9 اگست سے 5 ستمبر تک ویتنام میں منعقد ہوگا۔ 24 سالہ انیقہ معراج بزنس اور اکنامکس میں گریجویٹ ہیں اور ان کا تعلیمی تخصص اکاؤنٹنگ اور آڈٹنگ میں ہے۔

انیقہ معراج نے کہا ہے کہ ان کی خواہش ہے کہ وہ اسٹیٹ آتھرائزڈ پبلک اکاؤنٹنٹ بنیں اور بچوں کے حقوق اور بچیوں کی تعلیم کے فروغ کے لیے کردار ادا کریں۔

پاکستان کی پہلی شرکت مس ورلڈ مقابلے میں ہو گی، تاہم حالیہ برسوں میں پاکستان نے دیگر عالمی مقابلۂ حسن میں بھی نمائندگی کی ہے۔

واضح رہے کہ مس ورلڈ فیسٹیول دنیا بھر میں خوبصورتی کے بڑے مقابلوں میں شامل ہے اور اس میں شرکت ملک کی شناخت اور ثقافت کو عالمی سطح پر اجاگر کرتی ہے۔