کراچی: (رائیٹ ناؤنیوز) معروف اداکارہ صنم جنگ نے انکشاف کیا ہے کہ پاکستان واپسی کے ایک ماہ میں انہیں 6 ای چالان موصول ہوئے ہیں۔ ان کا کہنا ہے کہ بعض خلاف ورزیوں کی کوئی معقول وجہ نہیں ملی۔

صنم جنگ نے انسٹاگرام پر کہا ہے کہ ان کے والد بھی اس صورتحال پر ناراض ہیں۔ انہوں نے کہا کہ اتنے جرمانے ملنے پر وہ خود بھی حیران ہیں۔

اداکارہ نے اعتراف کیا کہ پہلا جرمانہ موبائل فون پر بات کرتے ہوئے گاڑی چلانے کی وجہ سے ہوا۔ تاہم، بعد کے چالان کی وجوہات سمجھ نہیں آئیں۔

صنم جنگ نے کہا کہ سیٹ بیلٹ نہ باندھنے پر بھی جرمانہ ہوا، حالانکہ وہ ہمیشہ سیٹ بیلٹ باندھتی ہیں۔ انہوں نے بیرون ملک رہائش کے دوران یہ عادت اپنائی ہے۔

یاد رہے کہ سوشل میڈیا پر صارفین نے بھی ای چالان سسٹم پر شکایات کی ہیں اور متعلقہ حکام سے مؤثر جانچ کے نظام کی بہتری کا مطالبہ کیا ہے۔