واشنگٹن: (رائیٹ ناوٴ نیوز)۔ امریکی محکمہ برائے اسٹیٹ اینڈ قونصلر افیئرز نے ایران میں موجود اپنے شہریوں کو فوری طور پر ملک چھوڑنے کی ہدایت کی ہے۔ یہ ہدایت ایران کی موجودہ صورتحال کے پیش نظر جاری کی گئی ہے۔

محکمہ نے اپنے بیان میں کہا ہے کہ یہ پیغام سوشل میڈیا پلیٹ فارم ایکس اور سرکاری ویب سائٹ پر جاری کیا گیا ہے۔ 21 اپریل تک ایران کی فضائی حدود جزوی طور پر کھول دی گئی ہیں، جس کے بعد محدود پروازیں بحال ہوئی ہیں۔

امریکی حکام نے زور دیا ہے کہ شہری دستیاب پروازوں کے ذریعے جلد از جلد انخلا کریں۔ سکیورٹی صورتحال غیر یقینی ہونے کی وجہ سے یہ ایڈوائزری جاری کی گئی ہے۔

یہ ہدایت امریکی شہریوں کی حفاظت کو مدنظر رکھتے ہوئے دی گئی ہے۔ شہریوں کو مشورہ دیا گیا ہے کہ وہ اپنے سفری انتظامات خود کریں اور سرکاری ذرائع سے باخبر رہیں۔

واضح رہے کہ امریکی محکمہ اسٹیٹ نے ایران میں موجود شہریوں کو کسی ممکنہ خطرے سے بچنے کے لیے یہ ہدایت جاری کی ہے۔