تہران: (رائیٹ ناوٴ نیوز) ایرانی وزیرِ خارجہ عباس عراقچی نے خلیجِ فارس اور آبنائے ہرمز میں عدم استحکام کی ذمہ داری امریکی اور اسرائیلی جارحیت پر عائد کی ہے۔

عراقچی نے جنوبی کوریا کے خصوصی ایلچی سے ملاقات کے دوران ایران کے خلاف امریکی و اسرائیلی حکومتوں کے جرائم سے آگاہ کیا۔

انہوں نے دیگر ممالک سے اپیل کی کہ وہ امریکی و اسرائیلی حملوں کی مذمت کریں اور بین الاقوامی سطح پر حمایت حاصل کریں۔

عراقچی نے ایران کی جانب سے اپنی سلامتی اور مفادات کے دفاع کے لیے اقدامات کا اعلان کیا اور ان اقدامات کے نتائج کی ذمہ داری جارح قوتوں پر عائد کی۔

واضح رہے کہ آبنائے ہرمز ایک اہم تجارتی راستہ ہے جہاں حالیہ دنوں میں کشیدگی میں اضافہ ہوا ہے۔