گرمیوں میں دفتر میں پسینے کی شکایت سے بچنے کے لیے چند مؤثر تدابیر۔ بلاٹنگ پیپرز اور ہلکی پھلکی اسکن کیئر کا استعمال مددگار ثابت ہو سکتا ہے۔
کراچی: (رائیٹ ناوٴ نیوز) گرمیوں میں دفتر میں کام کرتے ہوئے چہرے پر پسینے کی شکایت عام ہے، چاہے آپ ایئر کنڈیشن والے کمرے میں ہی کیوں نہ بیٹھے ہوں۔ چہرے پر پسینہ اور چکناہٹ نہ صرف آپ کی شخصیت کو متاثر کرتی ہے بلکہ اعتماد میں بھی کمی کا باعث بنتی ہے۔
یہاں 5 آزمودہ طریقے دیے جا رہے ہیں جو آپ کو دفتر میں تروتازہ رکھنے میں مددگار ثابت ہوں گے۔ پسینے کو صاف کرنے کے لیے رومال کی بجائے بلاٹنگ پیپرز کا استعمال کریں، جو جلد کی قدرتی نمی کو متاثر کیے بغیر پسینے اور اضافی تیل کو فوراً جذب کر لیتے ہیں۔
گرمیوں میں بھاری کریموں سے گریز کریں اور جیل بیسڈ یا آئل فری موئسچرائزر استعمال کریں تاکہ مسام کھلے رہیں۔ ہلکے فارمولے والے سن اسکرین کا استعمال کریں تاکہ پسینے میں اضافہ نہ ہو۔
میک اپ سے پہلے سوئیٹ ریزسٹنٹ پرائمر لگائیں، جو جلد اور پسینے کے درمیان حفاظتی دیوار کا کام کرتا ہے۔ اسے سیٹنگ پاؤڈر یا اسپرے کے ساتھ استعمال کریں تاکہ میک اپ برقرار رہے۔
واضح رہے کہ اگر ان تدابیر کے باوجود پسینہ زیادہ آئے تو یہ ہائپر ہائیڈروسس کی علامت ہو سکتی ہے۔ ایسی صورت میں ماہرِامراضِ جلد سے مشورہ لیں جو خاص اینٹی پرسپیرنٹ جیل یا دیگر طبی علاج تجویز کر سکتے ہیں۔
