اسلام آباد: (رائیٹ ناؤنیوز) سینیٹ میں اپوزیشن لیڈر علامہ راجہ ناصر عباس نے کہا ہے کہ اگر عمران خان سے ملاقات ہو تو پی ٹی آئی قائمہ کمیٹیوں میں واپس آ سکتی ہے۔ ان کا کہنا تھا کہ حکومت کو پارلیمنٹ کو فعال رکھنے کے لیے عمران خان سے ملاقات کرانی چاہیے۔

علامہ ناصر عباس نے کہا کہ حکومت سنجیدہ ہے تو کانسٹیٹیوشن روم میں مذاکرات کریں۔ انہوں نے کہا کہ ہم وزیراعظم ہاؤس جا کر حکومت کی قانونی حیثیت کو تسلیم نہیں کرنا چاہتے۔

اپوزیشن لیڈر نے کہا کہ عمران خان کے ساتھ عدالتی حکم پر ملاقات ہوئی تھی۔ ان کی صحت سے متعلق جان بوجھ کر شکوک پیدا کیے جا رہے ہیں۔

انہوں نے مزید کہا کہ حکومت اور پی ٹی آئی کے مذاکرات ناکام ہونے کی وجوہات جانتا ہوں۔ عمران خان کی روانگی سے قبل کے پی ہاؤس میں اجلاس ہوا تھا۔

یاد رہے کہ علامہ ناصر عباس نے کہا کہ محسن نقوی کی سسٹم کولیپس کی نشاندہی درست ہے مگر ان کی تجویز کردہ دوا غیر قانونی ہے۔