اسلام آباد: (رائیٹ ناؤنیوز) یادگارِ فتح کی افتتاحی تقریب اسلام آباد میں منعقد ہوئی، جس میں قومی جذبے اور دفاع وطن کے عزم کا اظہار کیا گیا۔ صدر آصف علی زرداری، وزیراعظم شہباز شریف، اور فیلڈ مارشل سید عاصم منیر تقریب میں شریک ہوئے۔

تقریب میں سروسز چیفس، وفاقی وزرا، غیر ملکی سفرا، چیئرمین سینیٹ، اور اسپیکر قومی اسمبلی سمیت اعلیٰ حکام نے شرکت کی۔ پنجاب اور خیبر پختونخوا کے گورنرز اور وزیراعلیٰ پنجاب بھی موجود تھے۔

مسلح افواج اور سول آرمڈ فورسز کے دستے تقریب میں شامل ہوئے۔ پنجاب، سندھ، خیبر پختونخوا، بلوچستان، آزاد کشمیر اور گلگت بلتستان پولیس کے دستے بھی موجود تھے۔

یادگارِ فتح کو قومی تاریخ، شہدا اور غازیوں کی قربانیوں کی علامت قرار دیا گیا۔ تقریب میں شہدا کو خراج عقیدت پیش کیا گیا اور دفاع وطن کے عزم کا اعادہ کیا گیا۔

واضح رہے کہ یادگارِ فتح قومی وحدت اور یکجہتی کا پیغام ہے، جس نے قوم اور مسلح افواج کے باہمی عزم کو اجاگر کیا۔