کراچی: (رائیٹ ناوٴ نیوز) پاکستان میں سونے کی قیمت میں بڑا اضافہ ہوا، چاندی کی قیمت بھی بڑھ گئی۔

انٹرنیشنل مارکیٹ میں فی اونس سونا 157 ڈالر بڑھ کر 4 ہزار 814 ڈالر تک پہنچ گیا۔ اس اضافے کے بعد 24 قیراط فی تولہ سونا 15 ہزار 7 سو روپے بڑھ کر 5 لاکھ 4 ہزار 162 روپے کا ہوگیا۔

10 گرام سونے کی قیمت میں 13 ہزار 460 روپے کا اضافہ ہوا ہے، جس کی وجہ سے یہ 4 لاکھ 32 ہزار 237 روپے پر پہنچ گیا ہے۔

چاندی کی قیمت بھی متاثر ہوئی ہے، 24 قیراط فی تولہ چاندی 440 روپے مہنگی ہوکر 8 ہزار 184 روپے پر پہنچ گئی ہے۔

واضح رہے کہ عالمی مارکیٹ میں سونے کی قیمتوں میں اضافے کا اثر مقامی مارکیٹ پر بھی واضح طور پر پڑتا ہے، جس کی وجہ سے لوگ سرمایہ کاری میں محتاط ہو جاتے ہیں۔