لوئر دیر: (رائیٹ ناوٴ نیوز) وزیراعلیٰ خیبرپختونخوا محمد سہیل آفریدی نے کہا ہے کہ صوبے میں دہشت گردی خود ساختہ شروع کی گئی ہے اور ترقیاتی منصوبوں کے لیے وفاق سے این او سی نہیں مل رہے ہیں۔ انہوں نے کہا کہ وفاق ہمارے 3 ہزار ارب روپے بھی نہیں دے رہا ہے جو صوبے کی ترقی میں رکاوٹ بن رہا ہے۔

وزیراعلیٰ نے کوٹو ہائیڈیل پاور پراجیکٹ کے افتتاح کے موقع پر کہا کہ خیبرپختونخوا سستی بجلی پیدا کرنے کی صلاحیت رکھتا ہے اور اس کے بانی منصوبوں کو پایہ تکمیل تک پہنچانے پر فخر ہے۔

سہیل آفریدی نے کہا کہ صوبے کے قدرتی وسائل پر پہلا حق عوام کا ہے اور غیر ملکی انجینیئرز کے دورے کے لیے این او سی کی تاخیر اہم منصوبوں کو متاثر کر رہی ہے۔

انہوں نے مزید کہا کہ عمران خان کے شروع کردہ منصوبوں پر فخر ہے جو عوام کے لئے شروع کیے گئے ہیں۔