ہنگو: (رائیٹ ناؤ نیوز) وزیراعلیٰ خیبرپختونخوا سہیل آفریدی نے اعلان کیا ہے کہ 27 اگست کو 40 لاکھ افراد کے ساتھ اسلام آباد کی جانب لانگ مارچ کیا جائے گا۔ یہ اعلان انہوں نے ابوبکر صدیق چوک میں اسٹریٹ موومنٹ کے شرکاء سے خطاب کرتے ہوئے کیا۔

وزیراعلیٰ نے اپنے خطاب میں کہا کہ عمران خان کے علاج سے متعلق عدالتی حکم کو نظرانداز کرنا عدلیہ کی توہین ہے۔ انہوں نے کہا کہ حکومت اور انتظامیہ نے عدالتی فیصلے کو نظرانداز کر کے آئین و قانون سے بالاتر ہونے کا ثبوت دیا ہے۔

سہیل آفریدی نے کہا کہ اگر عدالتیں طاقتور لوگوں کو کٹہرے میں نہیں لاتی تو انہیں مظلوموں کو سزا دینے کا بھی حق نہیں۔ انہوں نے کہا کہ کمزور اور طاقتور کے لیے یکساں قانون ہونا چاہیے، جو عمران خان کی حقیقی آزادی کی جدوجہد کا مقصد ہے۔

انہوں نے کہا کہ ملک میں کسان اور صنعتکار دونوں پریشان ہیں اور عدالتوں کو ملک کی سمت کا فیصلہ کرنا ہوگا۔ اگر طاقتوروں کو بچانا ہے تو وہ اس فیصلے کے خلاف بغاوت کرتے ہیں۔

واضح رہے کہ تحریک انصاف نے پہلے ہی 27 اگست کو احتجاج کا اعلان کر رکھا ہے۔