کراچی: (رائیٹ ناؤ نیوز) جماعت اسلامی کا دھرنا پیٹرولیم مصنوعات کی بڑھتی قیمتوں کے خلاف ساتویں روز میں داخل ہو گیا ہے۔ امیر جماعت اسلامی نے کہا کہ عوام چاہتے ہیں کہ ان کے بچے بہتر روزگار کے لئے باہر جائیں۔

امیر جماعت اسلامی، حافظ نعیم الرحمان نے کہا کہ حکومت نے خواتین کے بنیادی حقوق چھین لئے ہیں۔ ڈاکٹر بننے والی بچیوں کو ہاؤس جاب میں پورا حصہ نہیں ملتا، اور مریم نواز نے خواتین کو دباؤ میں لانے کی کوشش کی ہے۔

حافظ نعیم الرحمان نے مزید کہا کہ جماعت اسلامی عوام کے لئے میدان میں نکلی ہے اور یہ دھرنا طویل ہوتا جائے گا۔ حکومت کو پیچھے ہٹنا پڑے گا، اور عوام کے حقوق کے لئے آواز اٹھائی جائے گی۔

ان کا کہنا تھا کہ یہ پوری قوم کا مقدمہ ہے اور حکومت کو اپنی پالیسیاں تبدیل کرنی ہوں گی۔ خواتین کو کام کرنے کی سہولیات فراہم نہیں کی جاتیں، اور وہ خود میدان میں آتی ہیں۔

یاد رہے کہ صوبہ پنجاب میں خواتین کے خلاف جرائم کی شرح میں اضافہ ہوا ہے۔ بچیوں کے اسکولز پرائیویٹ کر دیے گئے ہیں اور حکومت خواتین کے حقوق پامال کر رہی ہے۔