تہران: (رائیٹ ناؤ نیوز) ایرانی میڈیا نے سپریم لیڈر مجتبیٰ خامنہ ای کی نئی ویڈیو جاری کی ہے۔ ویڈیو میں وہ ایک علمی نشست کی صدارت کرتے ہوئے دکھائی دے رہے ہیں۔

ویڈیو میں مجتبیٰ خامنہ ای ایک طالب علم کے تحقیقی مقالے کا جائزہ لیتے نظر آتے ہیں۔ مقالے کا موضوع ‘اسلامی سیکیورٹی ماڈل’ تھا جسے انہوں نے قابل قبول قرار دیا۔

یہ ویڈیو عوامی سطح پر ان کی نایاب ریکارڈنگ میں شامل ہے۔ ویڈیو کی ریکارڈنگ کی تاریخ اور مقام واضح نہیں کیا گیا۔

آزاد ذرائع سے ابھی تصدیق ممکن نہیں کہ یہ مناظر حالیہ ہیں یا ماضی کے۔ ایرانی میڈیا کی جانب سے ان کی ویڈیوز کا اجرا خاص توجہ حاصل کر رہا ہے۔

یاد رہے کہ مجتبیٰ خامنہ ای کی عوامی موجودگی طویل عرصے سے محدود رہی ہے۔ ان کی صحت اور سرگرمیوں پر مختلف قیاس آرائیاں کی جاتی رہی ہیں۔