لندن: (رائیٹ ناؤ نیوز) نائب وزیر اعظم اسحاق ڈار نے لندن میں دولت مشترکہ کی سیکرٹری جنرل شرلی بوٹچوے سے ملاقات کی۔ ملاقات میں پاکستان اور دولت مشترکہ کے درمیان تعاون پر تبادلہ خیال کیا گیا۔

اس ملاقات میں اسحاق ڈار نے کہا کہ پاکستان کو قدرتی آفات سے نمٹنے کا وسیع تجربہ حاصل ہے۔ انہوں نے اسلام آباد میں دولت مشترکہ ڈیزاسٹر ریزیلینس ہب قائم کرنے کی پیشکش بھی کی۔

اسحاق ڈار نے تجارت کے فروغ کے لیے بینکنگ شعبے میں ادارہ جاتی تعاون پر زور دیا۔ سیکرٹری جنرل نے پاکستان کی پیشکش کا خیرمقدم کیا اور تعاون بڑھانے کی خواہش ظاہر کی۔

ملاقات میں نوجوانوں کی ترقی اور موسمیاتی استحکام کے لیے تعاون میں اضافے پر بھی اتفاق کیا گیا۔ دونوں ممالک کے درمیان مزید سرگرمیوں پر عزم کا اظہار کیا گیا۔

یاد رہے کہ پاکستان دولت مشترکہ کا بانی رکن ہے اور مشرق وسطیٰ میں امن کے لیے ثالثی کرتا رہا ہے۔ دولت مشترکہ نے اس کردار پر پاکستان کی تعریف کی ہے۔