بیجنگ: (رائیٹ ناؤ نیوز) چین میں تیانگونگ الٹرا نامی روبوٹ نے 100 میٹر دوڑ کا نیا عالمی ریکارڈ قائم کر دیا۔ اس نے 8.86 سیکنڈ میں دوڑ مکمل کر کے یوسین بولٹ کا 9.58 سیکنڈ کا ریکارڈ توڑ دیا۔

یہ ریکارڈ دوسرے ورلڈ ہیومنائیڈ روبوٹ گیمز کے دوران بنایا گیا، جہاں تیانگونگ الٹرا نے اپنی کارکردگی کا مظاہرہ کیا۔ بیجنگ ہیومنائیڈ روبوٹ انوویشن سینٹر کی تیار کردہ اس مشین نے لارج سائز روبوٹ ڈویژن کے سیمی فائنل میں یہ کارنامہ انجام دیا۔

تیانگونگ الٹرا کی اس کارکردگی نے عالمی ایتھلیٹکس میں نئی بحث چھیڑ دی ہے، جس میں روبوٹ کی تیز رفتاری کا انسانوں کے مقابلے میں جائزہ لیا جا رہا ہے۔

یہ واقعہ ٹیکنالوجی کے شعبے میں بڑی پیشرفت کی علامت ہے، جہاں روبوٹ انسانوں کے ریکارڈز کو چیلنج کر رہے ہیں اور نئی حدود کو پار کر رہے ہیں۔

یاد رہے کہ یوسین بولٹ نے 2009 میں 9.58 سیکنڈ میں 100 میٹر دوڑ کا عالمی ریکارڈ بنایا تھا، جو طویل مدت تک ناقابل تسخیر رہا۔