کراچی: (رائیٹ ناؤ نیوز) میر رضا کیس میں جرائم پیشہ عناصر کو بچانے کی کوششیں جاری ہیں۔ وکیل جبران ناصر نے کہا ہے کہ حقائق کو منظر عام پر لانے کی ضرورت ہے۔

کراچی میں پریس کانفرنس کرتے ہوئے جبران ناصر نے کہا کہ میر رضا کے قتل کے اہم شواہد سامنے آئے ہیں۔ لاش پر تیزاب کے نشانات موجود ہیں اور گولی مارنے کے ثبوت بھی ملے ہیں۔

وکیل کا کہنا تھا کہ میر رضا کو تیزاب پلایا گیا اور 12 گھنٹے تک تشدد کا نشانہ بنایا گیا۔ ان کے مطابق نمونوں کی رپورٹ میں گن پاؤڈر کے شواہد بھی موجود ہیں۔

جبران ناصر نے کہا کہ جرائم پیشہ عناصر کھلے عام گھوم رہے ہیں اور عوام کو ڈرا دھمکا رہے ہیں۔ انہوں نے کہا کہ حقائق کو عوام کے سامنے لانا ضروری ہے۔

یاد رہے کہ میر رضا کی سمارٹ واچ کے حوالے سے بھی سوالات اٹھائے گئے ہیں۔ ایس ایس پی ایس آئی یو پر مجرمانہ غفلت کا الزام عائد کیا گیا ہے۔