اسکردو: (رائیٹ ناؤ نیوز) براڈ پیک پر برفانی تودہ گرنے سے 8 کوہ پیما ہلاک ہوگئے ہیں۔ متاثرہ کوہ پیماوں میں مزید 2 کی تلاش کے لیے سرچ آپریشن جاری ہے۔

دنیا کی 12 ویں بلند ترین چوٹی براڈ پیک پر برفانی تودہ گرنے سے مزید 4 کوہ پیماوں کی لاشیں ملی ہیں۔ اب تک 8 کوہ پیما ہلاک ہوچکے ہیں۔

تازہ ملی 4 لاشوں میں سے 3 کو ہلی کاپٹر کے ذریعے اسکردو منتقل کر دیا گیا ہے۔ مزید 2 لاپتہ کوہ پیماوں کی تلاش کے لیے براڈ پیک پر سرچ اینڈ ریسکیو آپریشن جاری ہے۔

صوبائی وزیر سیاحت نیک نام کریم نے کہا ہے کہ لاپتہ کوہ پیماوں کی تلاش کے لیے ہر ممکن کوشش کر رہے ہیں۔ محکمہ سیاحت کی ٹیم لوجسٹک سپورٹ فراہم کر رہی ہے۔

واضح رہے کہ براڈ پیک قراقرم کے پہاڑی سلسلے میں واقع ہے جس کی بلندی 8047 میٹر ہے۔