مظفرآباد: (رائیٹ ناؤ نیوز) ڈی جی آئی ایس پی آر لیفٹیننٹ جنرل احمد شریف نے کہا ہے کہ پاکستان اور کشمیر ایک دوسرے کے اٹوٹ انگ ہیں۔ انہوں نے کہا کہ کشمیر تقسیم ہند کا نامکمل ایجنڈا ہے اور پاکستان کا سب سے لاڈلا بچہ کشمیر ہے۔

پریس بریفنگ کے دوران لیفٹیننٹ جنرل احمد شریف نے بتایا کہ کشمیری عوام پاکستان کے ساتھ رہنے کا پختہ فیصلہ کرچکے ہیں۔ انہوں نے کہا کہ بھارت نے مقبوضہ کشمیر میں 10 لاکھ کے قریب سیکیورٹی فورسز تعینات کر رکھی ہیں۔

ترجمان پاک فوج نے کہا کہ 2019 میں بھی بھارت کو جواب دیا گیا تھا، اور 2025 میں مزید مضبوط پیغام دیا گیا۔ انہوں نے کہا کہ مقبوضہ کشمیر کے لوگ بھارت سے پوچھ رہے ہیں کہ پہلگام میں ان کی سکیورٹی کہاں تھی۔

لیفٹیننٹ جنرل احمد شریف نے مزید کہا کہ آزاد کشمیر میں حقوق کے نام پر گیم چلائی گئی، جس کے مقاصد کچھ اور تھے۔ انہوں نے کہا کہ مظاہرین ڈنڈے کے زور پر مہاجرین کی نشستیں ختم کرنا چاہتے ہیں۔

واضح رہے کہ 12 سیٹوں کے معاملے پر مقبوضہ کشمیر سے آنے والے مہاجرین کو نمائندگی نہ دینے کی بات کی گئی تھی۔ یہ باتیں آزاد کشمیر کے سیاسی منظر نامے پر اثر انداز ہو رہی ہیں۔