کولمبو: (رائیٹ ناؤ نیوز) لنکا پریمیئر لیگ میں شاہین آفریدی کے میچ کے دوران ڈراپ ہونے پر تنازعہ پیدا ہو گیا ہے۔ شاہین نے اینٹی کرپشن یونٹ کے آفیشل سے شکایت کی ہے۔

پاکستانی فاسٹ بولر شاہین آفریدی وطن واپس جانے کا ارادہ کر رہے تھے۔ فرنچائز و آرگنائزرز نے معذرت کر کے انہیں روک لیا۔

تفصیلات کے مطابق جافنا کنگز کے بھارتی اونر کو فکسنگ کے الزام میں گرفتار کر لیا گیا۔ سری لنکا کرکٹ نے ٹیم کے حقوق واپس لے کر خود معاملات سنبھال لیے ہیں۔

شاہین آفریدی کا واقعہ کینڈی رائلز کی ٹیم مینجمنٹ کی غلطی سے ہوا۔ ان کا نام بطور امپیکٹ پلیئر نہیں دیا گیا جس پر انہوں نے شکایت درج کرائی۔

یاد رہے کہ شاہین آفریدی کے علاوہ محمد نواز، صاحبزادہ فرحان، محمد وسیم جونیئر اور عاکف جاوید بھی ایونٹ میں شریک ہیں۔ ایل پی ایل ترجمان نے واقعہ کو ٹیم شیٹ کی غلطی قرار دیا ہے۔