ٹروبا: (رائیٹ ناؤ نیوز) ویسٹ انڈیز کی ٹیم پاکستان کے خلاف ٹروبا ٹیسٹ کی پہلی اننگز میں 311 رنز بناکر آؤٹ ہوگئی۔ برائن لارا کرکٹ اکیڈمی میں کھیلے گئے میچ میں ویسٹ انڈیز نے ٹاس جیت کر پہلے بیٹنگ کا فیصلہ کیا۔

ویسٹ انڈیز کے شائی ہوپ نے سب سے زیادہ 92 رنز بنائے جبکہ کیوم ہوج نے 84 رنز کی عمدہ اننگز کھیلی۔ پاکستان کی طرف سے محمد علی نے 4 وکٹیں حاصل کیں جبکہ محمد عباس نے 3 کھلاڑیوں کو آؤٹ کیا۔

پاکستان نے بولنگ میں بہترین کارکردگی دکھائی، خرم شہزاد نے 2 اور عامر جمال نے ایک وکٹ لی۔ ویسٹ انڈیز نے پہلے دن 3 وکٹوں پر 194 رنز بنائے تھے۔

یاد رہے کہ پہلے دن بارش کی وجہ سے کھیل متاثر ہوا تھا، تاہم چندرپال اور ہوج نے 51 رنز کی شراکت قائم کی۔ اس کے بعد ہوج اور ہوپ نے مزید 88 رنز جوڑے، جس سے ویسٹ انڈیز کا مجموعی اسکور 311 تک پہنچا۔

واضح رہے کہ 33 سالہ علی عثمان نے ٹیسٹ ڈیبیو کیا ہے، جو پاکستان کی جانب سے پہلی مرتبہ ٹیسٹ کیپ حاصل کر کے کھیلنے اترے ہیں۔