مسقط: (رائیٹ ناؤ نیوز) پاکستان انڈر 21 ہاکی ٹیم عمان کی سینئر نیشنل ٹیم کے ساتھ ٹیسٹ سیریز کھیلنے کے لیے روانہ ہوگئی۔ ٹیم کے ہمراہ ہیڈ کوچ اولمپیئن ایاز محمود، کوچ اولمپیئن سمیر حسین اور کوچ اظفر یعقوب بھی موجود ہیں۔

قومی انڈر 21 ہاکی ٹیم 29 جولائی کو پہلا ٹیسٹ میچ، 31 جولائی کو دوسرا، یکم اگست کو تیسرا، 2 اگست کو چوتھا جبکہ 4 اگست کو پانچواں ٹیسٹ میچ کھیلے گی۔

پی ایچ ایف صدر محی الدین احمد وانی نے ٹیم کے لیے نیک خواہشات کا اظہار کیا ہے۔ انہوں نے کہا کہ عمان ٹیسٹ سیریز کھلاڑیوں کی حوصلہ افزائی کے لیے اہم ہے۔

یہ سیریز نوجوان کھلاڑیوں کو بین الاقوامی سطح پر کھیلنے کا موقع فراہم کرے گی، جس سے ان کا حوصلہ بڑھے گا۔

یاد رہے کہ پاکستان انڈر 21 ہاکی ٹیم کی یہ سیریز نوجوان کھلاڑیوں کی تربیت اور تجربہ بڑھانے کے لیے اہم قدم ہے۔