کیلیفورنیا: (رائیٹ ناؤنیوز) گوگل نے اکاؤنٹ سیکیورٹی کو بڑھانے کے لیے نیا سیلفی ویڈیو فیچر متعارف کرایا ہے۔ یہ فیچر صارفین کو اپنے اکاؤنٹ میں لاگ ان یا ریکور کرنے کے لیے مختصر ویڈیو استعمال کرنے کی سہولت فراہم کرتا ہے۔

یہ فیچر ڈیپ فیک فراڈ اور اکاؤنٹ ہیکنگ کے مسائل کا حل ثابت ہو سکتا ہے۔ گوگل نے بتایا ہے کہ یہ فیچر متبادل سائن ان کے طور پر بھی کام کرے گا۔

کمپنی نے وضاحت کی ہے کہ صارفین کو مختصر ویڈیو ریکارڈ کرنا ہوگی جو محفوظ رکھی جائے گی۔ اس ویڈیو کو سائن ان کے دوران شناخت کے لیے استعمال کیا جائے گا۔

یہ فیچر پہلے سے محفوظ شدہ ویڈیو کو انکرپشن کے ذریعے تحفظ فراہم کرتا ہے۔ صارفین کسی بھی وقت اپنی ویڈیو ڈیلیٹ کرسکیں گے۔

یاد رہے کہ یہ فیچر ابتدائی طور پر محدود صارفین کے لیے دستیاب ہے اور جلد ہی دنیا بھر میں پھیل جائے گا۔