اسلام آباد: (رائیٹ ناؤ نیوز) وزیراعظم شہباز شریف اور فیلڈ مارشل سید عاصم منیر نے پاکستان کے سب سے بڑے ڈیٹا سینٹر اسکائی 47 کا افتتاح کیا۔ اس موقع پر انہیں ڈیٹا سینٹر کی اہمیت پر بریفنگ دی گئی۔

بریفنگ میں بتایا گیا کہ اسکائی 47 ڈیٹا سینٹر کلاوڈ کمپیوٹنگ، ڈیٹا ہوسٹنگ اور ڈیجیٹل خدمات کے لیے مضبوط بنیاد فراہم کرتا ہے۔ یہ مصنوعی ذہانت اور ہائی پرفارمنس کمپیوٹنگ کی ضروریات پوری کرنے کی صلاحیت رکھتا ہے۔

وزیراعظم نے اپنے خطاب میں کہا کہ یہ منصوبہ ملک میں ڈیجیٹل ترقی کی جانب ایک اہم قدم ہے۔ انہوں نے فیلڈ مارشل کی قیادت اور شراکت دار زیڈ ٹی ای کی کاوشوں کو سراہا۔

مزید کہا کہ اسکائی 47 جیسے منصوبے قومی سلامتی کو مضبوط بناتے ہیں۔ یہ ملک کو ناقابل تسخیر سیکیورٹی فراہم کرنے کی جانب ایک اہم پیشرفت ہے۔

یاد رہے کہ وزیر آئی ٹی شزا فاطمہ نے بھی خطاب کرتے ہوئے کہا کہ اسکائی 47 ڈیٹا سینٹر کا افتتاح پاکستان میں مصنوعی ذہانت کے نئے دور کا آغاز ہے، جو معاشی ترقی کو فروغ دے گا۔