لاہور: (رائیٹ ناؤ نیوز) ایک حالیہ تحقیق میں انکشاف ہوا ہے کہ الٹرا پراسیس غذاؤں کے استعمال سے ہارٹ اٹیک کا خطرہ بڑھ سکتا ہے۔ اس تحقیق میں 2019 کے کینیڈا کے ڈیٹا کا جائزہ لیا گیا۔

تحقیق میں بتایا گیا ہے کہ 23 سے 38 فیصد امراض قلب کے کیسز میں الٹرا پراسیس غذاؤں کا کردار پایا گیا۔ ان غذاؤں میں فاسٹ فوڈز، ڈبل روٹی، مٹھائیاں اور انسٹنٹ نوڈلز شامل ہیں۔

تحقیق کے مطابق، الٹرا پراسیس غذاؤں کے استعمال میں 20 سے 50 فیصد کمی سے سالانہ لاکھوں کیسز کی روک تھام ممکن ہے۔ ماہرین نے اس کے استعمال میں کمی کی تجویز دی ہے۔

یہ تحقیق 3 لاکھ 50 ہزار سے زائد افراد پر کی گئی جن کی عمریں 40 سے 69 سال تھیں۔ ہائی بلڈ پریشر اور دیگر امراض قلب کا خطرہ بھی ان غذاؤں کی وجہ سے بڑھتا ہے۔

یاد رہے کہ الٹرا پراسیس غذائیں نمک، چینی، چکنائی اور پراسیس اجزا کی زیادہ مقدار کے باعث صحت کے لیے نقصان دہ ہیں۔ ان کا استعمال کم کرنے سے صحت میں بہتری آ سکتی ہے۔