کراچی: (رائیٹ ناؤنیوز) ماہرین نے خبردار کیا ہے کہ موٹی بٹوے کی عادت ریڑھ کی ہڈی میں درد اور کولہے میں تکلیف پیدا کر سکتی ہے۔ پچھلی جیب میں موٹا بٹوا رکھنے سے اعصاب پر دباؤ پڑتا ہے جو کہ درد کی وجہ بن سکتا ہے۔

ماہرین کے مطابق اس کیفیت کو ‘والٹ شیاٹیکا’ یا ‘فیٹ والٹ سنڈروم’ کہا جاتا ہے جو شیاٹک نرو پر دباؤ کی وجہ سے ہوتا ہے۔ اس سے کولہے اور ٹانگ میں جھنجھناہٹ اور درد کی علامات ظاہر ہو سکتی ہیں۔

ڈاکٹرز نے بتایا ہے کہ یہ دباؤ اعصاب تک خون کی فراہمی میں رکاوٹ ڈال سکتا ہے اور سوزش کا سبب بن سکتا ہے۔ یہ علامات سلپ ڈسک یا اعصابی بیماریوں سے بھی ملتی جلتی ہو سکتی ہیں۔

اس مسئلے کا شکار زیادہ تر افراد وہ ہیں جو طویل وقت تک بیٹھ کر کام کرتے ہیں، جیسے دفتر کے ملازمین اور ڈرائیور۔ ماہرین نے بٹوا پچھلی جیب کے بجائے اگلی جیب یا بیگ میں رکھنے کا مشورہ دیا ہے۔

یاد رہے کہ کمر یا کولہے میں درد کی مسلسل علامات کو نظر انداز نہیں کرنا چاہیے کیونکہ یہ کسی اہم اعصابی مسئلے کی علامت ہو سکتی ہیں۔ طبی معائنہ کرانا ضروری ہے۔