اسلام آباد: (رائیٹ ناؤنیوز) ڈسٹرکٹ اینڈ سیشن کورٹ اسلام آباد نے وزیراعلیٰ خیبر پختونخوا سہیل آفریدی کے ناقابل ضمانت وارنٹ گرفتاری جاری کر دیے ہیں۔ سہیل آفریدی پر ریاستی اداروں پر الزامات اور ان کی ساکھ متاثر کرنے کا کیس زیر سماعت ہے۔

عدالت میں سینئر سول جج عباس شاہ نے کیس کی سماعت کی، جس میں سہیل آفریدی کی عدم حاضری پر وارنٹ جاری کیے گئے۔ عدالت نے سہیل آفریدی کو گرفتار کرکے پیش کرنے کا حکم دیا ہے۔

عدالت نے سہیل آفریدی کی پیشی میں ناکامی پر اظہار برہمی کیا اور تنبیہ کی کہ عدم حاضری کی صورت میں اشتہاری قرار دینے کی کارروائی شروع کی جائے گی۔

سینئر سول جج نے مزید سماعت 3 ستمبر تک ملتوی کر دی ہے۔ یہ کیس قومی سلامتی کے حوالے سے خاص اہمیت رکھتا ہے۔

یاد رہے کہ سہیل آفریدی کے خلاف پیکا (PECA) ایکٹ کے تحت این سی سی آئی اے (NCCIA) نے مقدمہ درج کر رکھا ہے۔