اسلام آباد: (رائیٹ ناوٴ نیوز)۔ وفاقی وزیر انفارمیشن ٹیکنالوجی شزہ فاطمہ خواجہ نے کہا ہے کہ ایٹاریکسز (Ataraxis) کے 2026 گلوبل آؤٹ سورسنگ ٹیلنٹ انڈیکس میں پاکستان 193 ممالک میں 16ویں نمبر پر آگیا ہے۔

تفصیلات کے مطابق، شزہ فاطمہ نے بتایا کہ پاکستان عالمی سطح پر سرفہرست 9 فیصد ممالک میں شامل ہے۔ پاکستان اس وقت چین، ویتنام، کولمبیا اور مغربی یورپ کے ممالک سے آگے ہے۔

انہوں نے کہا کہ پاکستان کا ٹیلنٹ اسکور 80 میں سے 100 ہے، اور اسی پیمانے پر پاکستان عالمی سطح پر 8ویں نمبر پر ہے۔ پاکستان کی درجہ بندی یورپی یونین، مشرقِ وسطیٰ اور افریقی ممالک سے بھی بہتر ہے۔

شزہ فاطمہ نے مزید کہا کہ پاکستان اوسطاً 20 فیصد سالانہ شرح سے ترقی کر رہا ہے، جو ہمارے ٹیکنالوجی ایکو سسٹم کی صلاحیت اور مضبوطی کو ظاہر کرتا ہے۔

واضح رہے کہ پاکستان کی یہ کامیابی عالمی سطح پر اس کی ٹیکنالوجی کی ترقی اور قابلیت کو اجاگر کرتی ہے، جو مستقبل میں مزید مواقع پیدا کرنے میں مددگار ثابت ہو گی۔