6 ماہ بعد جھیل سیف الملوک روڈ کھولنے کا کام شروع، بھاری مشینری استعمال ہو رہی ہے۔
ناران: (رائیٹ ناوٴ نیوز) 6 ماہ کے طویل وقفے کے بعد جھیل سیف الملوک روڈ کھولنے کے لیے کام شروع ہو گیا ہے۔ کاغان ڈویلپمنٹ اتھارٹی نے بھاری مشینری کے ذریعے سڑک سے رکاوٹیں ہٹانا شروع کر دی ہیں۔
سطح سمندر سے 10578 فٹ بلند جھیل سیف الملوک معروف سیاحتی مقام ہے۔ برف پوش پہاڑوں کے دامن میں واقع یہ جھیل دلکش مناظر پیش کرتی ہے جو سیاحوں کو اپنی طرف کھینچتی ہیں۔
نیشنل ہائی وے اتھارٹی کی مشینری ناراں سے بابو سر ٹاپ تک شاہراہ کھولنے میں مصروف ہے۔ حکام کا کہنا ہے کہ جلد ہی سیاحوں کے لیے راستہ کھول دیا جائے گا۔
یہ اقدام سیاحتی سرگرمیوں کو بحال کرنے کی جانب اہم قدم ہے۔ جھیل سیف الملوک تک رسائی سیاحتی معیشت کے لیے بھی اہمیت رکھتی ہے۔
واضح رہے کہ جھیل سیف الملوک ہر سال ہزاروں سیاحوں کو اپنی طرف متوجہ کرتی ہے جو اس کی قدرتی خوبصورتی دیکھنے آتے ہیں۔
