کراچی: (رائیٹ ناوٴ نیوز) پاکستان کی معروف اداکارہ سائرہ یوسف نے اپنی سالگرہ کے موقع پر سابق شوہر کی بیٹی زہرا سبزواری کے ساتھ خوبصورت لمحات گزارے۔ انہوں نے اپنی بیٹی نورے اور زہرا کے ساتھ تصاویر شیئر کیں جو سوشل میڈیا پر وائرل ہو گئیں۔

سائرہ نے یہ تصاویر انسٹاگرام پر شیئر کیں، جہاں انہوں نے زہرا کو اپنی بیٹی کی طرح پیار دیا۔ ان تصاویر میں سائرہ اور زہرا کی خاص بانڈنگ نے توجہ حاصل کی۔

سائرہ کی اس محبت کو انٹرنیٹ صارفین کی جانب سے بے حد سراہا گیا ہے۔ مداحوں نے کہا کہ سائرہ نے ثابت کر دیا کہ انسانیت اور محبت تلخیوں سے بالاتر ہوتی ہیں۔

یہ تصاویر سوشل میڈیا پر موضوع بحث بن گئیں، جہاں صارفین نے سائرہ کو شوبز انڈسٹری کی باوقار خاتون قرار دیا۔ ان کی شخصیت دوسروں کے لیے مشعلِ راہ بن گئی ہے۔

واضح رہے کہ سائرہ یوسف نے اپنے کیریئر کا آغاز بطور وی جے کیا تھا اور اب وہ ڈرامہ انڈسٹری میں اپنی منفرد جگہ بنا چکی ہیں۔ ان کے پراجیکٹس مداحوں کی جانب سے بے حد پسند کیے جاتے ہیں۔