تہران: (رائیٹ ناوٴ نیوز) ایران نے ایک اسرائیلی جاسوس کو پھانسی دے دی ہے۔

ایرانی میڈیا کے مطابق یہ جاسوس ایرانی سول ڈیفنس میں ایک انتظامی عہدے پر تعینات تھا اور اس پر الزام تھا کہ وہ خفیہ معلومات موساد کو فراہم کرتا رہا۔

ایرانی حکام کا کہنا ہے کہ ملزم حساس نوعیت کی معلومات اسرائیلی انٹیلی جنس کو پہنچانے میں ملوث تھا۔ قانونی کارروائی کے بعد اسے پھانسی دے دی گئی۔

یہ معاملہ ایران اور اسرائیل کے درمیان کشیدگی کو مزید بڑھا سکتا ہے، کیونکہ اسرائیل کی جانب سے ابھی تک کوئی ردعمل سامنے نہیں آیا۔

واضح رہے کہ ایران نے اکثر اسرائیلی جاسوسی کے الزامات میں گرفتاریاں کی ہیں، جن میں سے بعض کو پھانسی دی گئی ہے۔