تہران: (رائیٹ ناوٴ نیوز) ایران کی پاسداران انقلاب نے خبردار کیا ہے کہ ایران کے خلاف کسی بھی حملے کے لیے خلیجی ممالک کی زمین یا تنصیبات استعمال کی گئیں تو سنگین نتائج بھگتنا پڑ سکتے ہیں۔

پاسداران انقلاب کے ایرو اسپیس کمانڈر میجر جنرل مجید موسوی نے ایرانی ذرائع ابلاغ کو جاری بیان میں کہا کہ ایران کے جنوبی ہمسایہ ممالک کو جان لینا چاہیے کہ ان کی زمین یا سہولیات کو ایران کے خلاف جارحیت کے لیے استعمال کیا گیا تو مشرق وسطیٰ میں تیل کی پیداوار متاثر ہو سکتی ہے۔

انہوں نے مزید کہا کہ اگر دشمن نے معمولی سی بھی غلطی کی اور ایران پر حملہ کیا تو ایرانی عوام جہاں کہیں گے، وہی ہماری کارروائی کا ہدف ہوگا۔

یہ بیان خطے میں بڑھتی ہوئی کشیدگی کے تناظر میں اہمیت اختیار کر گیا ہے، جس سے تیل کی پیداوار کے مسائل پیدا ہو سکتے ہیں۔

یاد رہے کہ ایران اور اس کے ہمسایہ ممالک کے درمیان تعلقات میں کشیدگی کا ماحول پہلے سے موجود ہے، جو خطے میں عدم استحکام کا باعث بن سکتا ہے۔