کراچی: (رائیٹ ناوٴ نیوز) سابق نگران وفاقی وزیر گوہر اعجاز نے کہا ہے کہ اگر ہم آج 10 سالہ منصوبہ بنائیں تو ٹاپ 10 معیشت میں شامل ہو سکتے ہیں۔ ان کا کہنا تھا کہ پاکستان کو اب دنیا بھر میں عزت کی نگاہ سے دیکھا جا رہا ہے۔

شہرِ قائد میں ایک تقریب سے خطاب کرتے ہوئے گوہر اعجاز نے پاکستان کی موجودہ اقتصادی حالت پر روشنی ڈالی۔ انہوں نے کہا کہ کچھ عرصہ قبل پاکستان کی معاشی صورتحال خراب تھی اور کرنٹ اکاؤنٹ خسارے میں جا رہا تھا۔

گوہر اعجاز نے مزید کہا کہ پاکستان کی اقتصادی حالت اب بہتر ہو رہی ہے اور ہم نے ماضی میں بہت سی غلطیاں کی ہیں۔ ان کا کہنا تھا کہ اگر ہم آج سے 10 سال کا منصوبہ بنا لیں تو ہم ٹاپ 10 معیشت میں شامل ہو سکتے ہیں۔

انہوں نے امید ظاہر کی کہ پاکستان ان شاء اللہ مسلم امہ کی ایک بڑی اقتصادی طاقت بنے گا۔ ان کا کہنا تھا کہ پراپرٹی کی قیمتوں میں 30 فیصد اضافہ ہوا ہے۔

واضح رہے کہ پاکستان کی معیشت ماضی میں کئی چیلنجز کا سامنا کر چکی ہے، لیکن حالیہ اقدامات سے بہتری کی امید ہے۔