ویٹیکن سٹی: (رائیٹ ناوٴ نیوز) کیتھولک مسیحیوں کے پیشوا پوپ لیو چہاردہم نے عالمی سطح پر امن کا پیغام دیتے ہوئے صدر ٹرمپ کی پالیسیوں کی مخالفت کی ہے۔

پوپ لیو نے کسی کا نام لیے بغیر کہا کہ جنگ کے سوداگر تباہی کی جلدی سمجھ نہیں سکتے، جبکہ تعمیر میں عمریں لگ جاتی ہیں۔

انھوں نے جنگوں کے ذریعے ضائع کیے جانے والے وسائل پر افسوس کا اظہار کیا اور زور دیا کہ تعلیم، صحت اور بحالی جیسے شعبوں کو نظر انداز نہ کیا جائے۔

پوپ لیو نے مذہب کے غلط استعمال پر بھی تشویش ظاہر کی، کہا کہ کچھ عناصر اپنے مفادات کے لیے مذہب کو استعمال کر رہے ہیں جو خطرناک ہے۔

یاد رہے کہ پوپ لیو نے ایران جنگ پر بھی تنقید کی تھی، جس پر صدر ٹرمپ نے ناراضگی ظاہر کی اور پوپ کی خارجہ پالیسی کی معلومات کو چیلنج کیا۔