کراچی: (رائیٹ ناوٴ نیوز) گھٹنوں کی تکلیف ایک عام مسئلہ ہے جو چوٹ یا جوڑوں کے امراض کی وجہ سے ہو سکتی ہے۔ یہ تکلیف چہل قدمی اور سیدھا کھڑا ہونا بھی مشکل بناتی ہے۔

سیڑھیاں چڑھنے کی ورزش گھٹنوں کے اردگرد کے مسلز کو مضبوط کرتی ہے، جس سے جوڑوں پر دباؤ کم ہوتا ہے۔ اس ورزش سے جسمانی وزن کو کنٹرول کرنے میں بھی مدد ملتی ہے۔

محض 5 منٹ تک سیڑھیاں چڑھنے سے 45 کیلوریز جل سکتی ہیں، اور ہفتے میں 5 بار یہ عمل 225 کیلوریز کو ختم کر سکتا ہے۔ سالانہ بنیاد پر 11 ہزار 250 کیلوریز کو جلانا ممکن ہے۔

واضح رہے کہ سیڑھیاں چڑھنا ایک محفوظ ورزش سمجھی جاتی ہے، مگر گھٹنوں کی تکلیف سے نجات کے لیے ڈاکٹر سے مشورہ ضروری ہے۔ دل یا نظام تنفس کے مسائل میں یہ ورزش مشکل ہو سکتی ہے۔

یاد رہے کہ صحت مند گھٹنے کھڑے ہونے، چلنے اور بیٹھنے کے لیے اہم ہیں، لہذا وزن کنٹرول میں رکھ کر گھٹنوں کے مسائل سے بچا جا سکتا ہے۔