کراچی: (رائیٹ ناوٴ نیوز) سرد موسم کے دوران جسم میں پانی کی کمی کا خیال اکثر نظرانداز کیا جاتا ہے کیونکہ پسینہ نہیں آتا۔ تاہم، سردیوں کے اپنے خطرات ہیں اور جسم پانی کی کمی کا شکار ہوسکتا ہے۔

سردیوں میں پیاس کا احساس کم ہونے کی وجہ سے اکثر افراد ڈی ہائیڈریشن کو محسوس نہیں کرتے۔ اس لیے یہ ضروری ہے کہ ان نشانیوں کو جانا جائے جو سرد موسم میں جسم میں پانی کی کمی کی طرف اشارہ کرتی ہیں۔

پہلی نشانی جلد کی غیر معمولی خشکی ہے، خاص طور پر اگر ہونٹ پھٹنے لگیں اور لپ بام سے بھی افاقہ نہ ہو۔ دوسری نشانی تھکاوٹ ہے جو آرام کے باوجود دور نہ ہو۔

تیسری نشانی سر درد ہے جو ڈی ہائیڈریشن کی وجہ سے بڑھ سکتا ہے جبکہ چوتھی نشانی سانس لینے میں دشواری اور نتھنوں کے مسائل ہیں۔

پانچویں نشانی پیشاب کی رنگت ہے، اگر یہ گہرا زرد ہو تو یہ پانی کی کمی کا عندیہ دیتا ہے۔ چھٹی نشانی مسلز کے کھچاؤ کا بڑھنا ہے جو پانی کی کمی سے مختلف ہوتا ہے۔

یہ مضمون طبی جریدوں کی معلومات پر مبنی ہے، قارئین اپنے معالج سے مشورہ کریں۔