تہران: (رائیٹ ناؤنیوز) ایران نے شپنگ کمپنیوں کو خبردار کیا ہے کہ آبنائے ہرمز میں قوانین کی خلاف ورزی کرنے والے جہاز مالی جرمانے، حراست یا ضبطی کا سامنا کریں گے۔ ایران کی جانب سے ان جہازوں کی جانچ بھی وسیع کی جارہی ہے جن پر خلاف ورزیوں کا الزام ہے۔

رپورٹس کے مطابق، ایران نیوی گیشن انتظامات پر امریکہ کے ساتھ جاری بات چیت کی تعطل کے دوران تجارتی آپریٹرز پر دباؤ بڑھا رہا ہے۔ ایران نے تجارتی آپریٹرز کو خبردار کیا ہے کہ دوبارہ گزرنے کی کوشش کرنے پر کارروائی کی جائے گی۔

آبنائے اتھارٹی نے جہازوں کی فہرست کے جائزے کا مشورہ دیا ہے۔ یہ بیان خلیج فارس آبنائے اتھارٹی نے ایکس پر جاری کیا ہے۔ خلیجی ریاستوں سے سامان منتقل کرنے والی کمپنیوں کو انتباہ دیا گیا ہے کہ وہ چارٹر ترتیب دینے سے پہلے قوانین کی خلاف ورزی کرنے والے جہازوں کا جائزہ لیں۔

اتھارٹی کے مطابق، جانچ پڑتال ان جہازوں تک بھی پھیلے گی جو پہلے سے موجود جہازوں کے ساتھ کام کرتے ہیں۔ اس میں جہاز کی منتقلی، ٹرانس شپمنٹ اور دیگر متعلقہ سمندری سرگرمیاں شامل ہیں۔

واضح رہے کہ آبنائے ہرمز خلیج فارس کی ایک اہم آبی گزرگاہ ہے جہاں سے عالمی تیل کی ترسیل ہوتی ہے۔ ایران کی جانب سے قوانین کی سختی سے عملداری خطے کی سلامتی کے لیے اہم ہے۔