کراچی: (رائیٹ ناؤ نیوز) بالوں کی قدرتی رنگت کے لیے مہندی میں چائے یا کافی شامل کرنے کا رحجان بڑھ رہا ہے۔ خواتین اکثر ان دونوں اجزاء کے استعمال میں الجھن کا شکار ہوتی ہیں کہ کون سا زیادہ فائدہ مند ہے۔

مہندی صدیوں سے بالوں کی قدرتی رنگت اور نرمی کے لیے استعمال ہو رہی ہے۔ چائے کی پتی یا کافی کے ساتھ مہندی کا پیسٹ بنانے سے مختلف رنگ اور فوائد حاصل کیے جا سکتے ہیں۔

ماہرین کے مطابق، چائے کی پتی کا پانی بالوں کو گہرا رنگ اور شاندار چمک دیتا ہے، جبکہ کافی پاؤڈر بالوں کو ہلکی بھوری چمک فراہم کرتا ہے۔ دونوں طریقے بالوں کی خوبصورتی میں اضافہ کرتے ہیں۔

دونوں اجزاء کے فوائد کو یکجا کرنے کے لیے مہندی میں چائے کی پتی کا پانی اور کافی پاؤڈر دونوں استعمال کیے جا سکتے ہیں۔ یہ بالوں کو گہرا رنگ اور قدرتی چمک فراہم کرتے ہیں، مگر مقدار کا خیال رکھنا ضروری ہے۔

یاد رہے کہ مہندی قدرتی رنگت کے لیے بہترین ہے لیکن استعمال سے قبل حساس جلد والوں کو الرجی کے خطرے کی جانچ کر لینی چاہیے۔