کیلیفورنیا: (رائیٹ ناوٴ نیوز) گوگل نے اپنا سب سے جدید اور طاقتور آرٹی فیشل انٹیلی جنس (اے آئی) ماڈل ‘جیمنائی 3’ متعارف کرادیا ہے۔ یہ نیا ماڈل جیمنائی ایپ اور اے آئی سرچ انجن انٹرفیس میں دستیاب ہوگا۔

جیمنائی 3 کو جیمنائی 2.5 کے صرف سات ماہ بعد متعارف کرایا گیا، جس میں مزید جدیدیت اور طاقتور لارج لینگوئج ماڈل کی خصوصیات شامل کی گئی ہیں۔ اس کا اجراء اوپن اے آئی کے جی پی ٹی 5.1 کی حالیہ لانچ کے بعد کیا گیا ہے۔

گوگل کے بیان کے مطابق، جیمنائی 3 میں منطقی سوچ اور استدلال کے میدان میں نمایاں پیشرفت کی گئی ہے۔ یہ ماڈل گہرائی اور لطیف فرق کے ساتھ ردعمل ظاہر کرنے کی صلاحیت رکھتا ہے جو پہلے کبھی نہیں دیکھی گئی۔

جیمنائی 3 کے بیسک ماڈل کے ساتھ ‘جیمنائی 3 ڈیپ تھنک’ بھی جاری کیا گیا ہے، جو تحقیق میں مددگار ثابت ہوگا اور گوگل اے آئی الٹرا کے سبسکرائبرز کو آئندہ ہفتوں میں دستیاب ہوگا۔

گوگل کے مطابق جیمنائی ایپ کے ماہانہ صارفین کی تعداد 65 کروڑ سے تجاوز کرچکی ہے۔ مزید برآں، جیمنائی پر مبنی پاور کوڈنگ انٹرفیس گوگل اینٹی گریویٹی بھی جاری کیا گیا ہے، جو ملٹی ایجنٹک کوڈنگ کی صلاحیت رکھتا ہے۔