اسلام آباد: (رائیٹ ناؤ نیوز) وفاقی حکومت نے مالی سال 27-2026 کے دوران کفایت شعاری مہم جاری رکھنے کا اعلان کیا ہے۔ وزارت خزانہ نے اس حوالے سے نوٹیفکیشن جاری کر دیا ہے۔

وفاقی کابینہ نے کفایت شعاری اقدامات کی منظوری دی ہے جو وفاقی محکموں، خود مختار اداروں اور ریگولیٹری اتھارٹیز پر لاگو ہوں گے۔ سرکاری ملکیتی اداروں کے لئے بھی سخت احکامات جاری کیے گئے ہیں۔

وزارت خزانہ کے مطابق کفایت شعاری اقدامات وفاقی حکومت کی لازمی آئینی ہدایت تصور ہوں گے۔ کفایت شعاری کمیٹی کو ٹھوس وجوہات پر کیس ٹو کیس بنیادوں پر رعایت دینے کا اختیار دیا گیا ہے۔

یہ قدم اخراجات کو کنٹرول کرنے کے لئے ضروری سمجھا گیا ہے۔ کفایت شعاری کے تحت حکومتی ادارے اپنے مالیاتی معاملات میں احتیاط سے کام لیں گے۔

یاد رہے کہ کفایت شعاری مہم کا مقصد مالیاتی نظم و ضبط کو بہتر بنانا اور قومی وسائل کے ضیاع کو کم کرنا ہے۔